![]() | |
Tipu | Declaración d'independencia |
---|---|
Estáu | Méxicu |
Creación | 28 setiembre 1821 |
![]() |
L'Acta d'Independencia del Imperiu Mexicanu ye'l documentu por aciu el cual l'Imperiu Mexicanu declaró la so independencia del Imperiu español. El documentu fundador del Estáu Mexicanu foi redactáu nel Palaciu Nacional de la Ciudá de Méxicu, el 28 de setiembre de 1821 por Juan José Espinosa de los Monteros, secretariu de la Suprema Xunta Provisional Gubernativa.
Redactáronse dos exemplares orixinales de l'acta. Un exemplar permaneció nel salón de sesiones de la Cámara de Diputaos hasta que foi destruyida na quema de la Cámara en 1909. La otra copia, foi robada y vendida en 1830. Esta copia foi recuperada por Maximiliano d'Habsburgu y tres el fusilamiento d'ésti, foi sacada del país por Austín Fischer, confesor del emperador.
Tiempu dempués, l'anticuariu español Gabriel Sánchez vendió l'acta al historiador Joaquín García Icazbalceta, quien la caltuvo y darréu heredó al so fíu Luis García Pimentel, quien la vendió a Florencio Gavito. Gavito axustó nel so testamentu qu'al morrer apurriérase l'Acta al presidente Adolfo López Mateos. El 14 de payares del mesmu añu (1961) apurrióse el resultáu de dos dictames por aciu los cualos comprobóse que l'Acta ye una de los dos orixinales suscrites en 1821 y el 21 de payares, Florencio Gavito Jáuregui, fíu del fináu Gavito, apurrió de mano propia l'Acta al Presidente de la República.
El documentu de 52.9 por 71.8 centímetros, caltiénse anguaño nel Archivu Xeneral de la Nación.
© MMXXIII Rich X Search. We shall prevail. All rights reserved. Rich X Search